An Foclóir Nua Béarla-Gaeilge
Bosca cuardaigh an Fhoclóra Nua Béarla-Gaeilge a leabú ar do shuíomh idirlín féin
Foclóireacht na Gaeilge

An fheidhm chuardaigh leasaithe, Fómhar 2015

Tá leasú suntasach curtha i gcrích ar an bhfeidhm chuardaigh chun na torthaí is fearr a thabhairt don úsáideoir agus chun go mbeidh sé ag teacht leis an bhfeidhm chuardaigh ar www.teanglann.ie. Roimhe seo, nuair a bhíodh focal á chuardach agat, thaispeántaí an iontráil mheaitseála mar thoradh ar an gcuardach. Leis an bhfeidhm chuardaigh nua, tugtar a lán eolas breise anois chomh maith leis an iontráil a mheaitseálann leis an bhfocal cuardaigh. Mar shampla, más cuardach ar an bhfocal sheet a dhéantar, faightear na míreanna eolais thíos anois:-

1. Focail chosúla Liosta de cheannfhocail nó iontrálacha eile san fhoclóir atá cosúil leis an bhfocal a bhí á chuardach agat.
2. Meaitseáil bheacht Má tá ceannfhocal ina mheaitseáil bheacht ar an teaghrán cuardaigh, taispeántar é seo ag barr na dtorthaí.
3. Iontráil ghiorraithe Más rud é gur iontráil fhada atá sa rannóg “meaitseáil bheacht”, giorraítear í le go mbeidh na rannóga eile de na torthaí cuardaigh le feiceáil freisin. Más mian leat an iontráil a fheiceáil ina hiomláine, ní gá ach cliceáil ar an mbarra “taispeáin iontráil iomlán”.
4. Iontrálacha gaolmhara Má tá an teaghrán cuardaigh mar chuid de cheannfhocal nó d'iontráil eile san fhoclóir , taispeántar anseo iad.
5. Frásaí agus Samplaí Úsáide faoi iontrálacha eile Má tá an teaghrán cuardaigh mar chuid de Fhrása nó de Shampla Úsáide in iontráil ar bith eile san fhoclóir, taispeántar anseo iad.

An cuardach leasaithe agus Aip an Fhoclóra

Foilsíodh an chéad leagan d’aip an fhoclóra roinnt seachtainí roimh chur i bhfeidhm an chuardaigh leasaithe seo. Beidh an cuardach leasaithe le fáil sa dara leagan den aip, a bheas á fhoilsiú go luath sa bhliain 2016. Beidh an dara leagan sin den aip ar fáil saor in aisce má tá an chéad leagan den aip agat cheana féin.